GANG KWAN KASIMERI MATYE I MOROTO OCOYO LUTINO 1,100 I NINO ME CAKO KWAN

Kasimeri Primary School pupils attending class on 10 January 2022

Lutino kwan mapol ma gubyelo kicar buk ingee gi, kun guruku gin laboo dog ki um i odiku me ceng baraja gu rup me ceto ka cako kwan i Kasimeri Primari manonge i Moroto Municpaliti.

I kine ka cawa abicel me dye ceng, gang kwan man onongo opong ki wit tic mapatpat mapol kare time malube ki yabo yub me pwonye kun lunyodo mapol atika kacel ki  lutino gi onwongo gi tye ka yele me tyeko yub me coone me cako kwan.

Samuel Ewangu ma ladoo gang kwan man onyoo aedi otito ni lutino kwan makato 1,100 inino me acel gucoone kun en bweko ni mukene mapol gin obi coone me cako pwonye.

Ikom lutino kwan 1,118 ma gucoone inino me acel, lutino ma obedo mapol obedo 216 obedo i kilac 1, lutino 159 i kilac 6, lutino kwan 156 i kilac 2 kun lutino kwan obedo nok i kilac 7 ki lutino kwan 137 keken.

Gang kwan man kono pe ocoyo lutino kwan ma oyac onyoo ma gunywal ikare we coone man.

Ewangu otito ni wel lutino mapol ma ocoone i gang kwan man nyutu ni lutino kwan dong tye ka jolo yub me pwonye i Karamoja.

En kono onyutu lworo me nok pa kabedo ma pe obi romo wel lutino kwan ducu malube ki cik me bedo logi logi onyoo bedo maboo ikin dano macalo gin ma romo juku nya pa two corona.

Ma pud peya two corona opoto, gang kwan me Kasimeri onwongo tye ki wel lutino kwan makato 1,600 ma ocone.

Hand washing facilities being prepared for installation at Kasimeri Primary School

Ewangu tito ni pi peko me nok pa kadebo ki ot kwan i gang kwan man, bi weko gin cako pango kema onyoo me kelo yub ma lutino mukene nongo pwonye i kudiku ki mukene i otyeno.

En ocike ni lupwonye dong tye atera me cako pwony malube ki limo pwonye ma gi miyo ki gin kit me cako yabo yub me pwonye ki kit me julu lutino angira ma onywal con.

Paul Oputa, ladit me loyo lok kom pwonye i districk me Moroto otito ni pol pa gangi pwonye dong tye atera me cako pwonye dak kilego gangi pwonye we yee jolo lutiino angira ma onywal con ki ma guyac ma lube ki rukca ma oaa ki gang kal ma loyo lok kom pwonye.

About kigezinews

Check Also

LADIT LOBO MUSEVENI OYUBU KEIHANGARA SSS I KIN GANGI PWONYE 117 ME SEED CUKUL MA KI GEDO MANYEN

Ladit lobo Yoweri Kaguta Museveni otany koyubu gang Kwan acel I kin gangip wonye 117 …

Leave a Reply

Your email address will not be published.

Live Updates COVID-19 CASES