KILEGO LUMEMA ME DUL PA ACHOLI BODABODA FORUM ME JOLO PWONY PA LUTINO GI

GULU BODABODA LEADERS

BY WALTER KUMIRA

Lutela manyen ma pud kiyero gin ayera ite dul pa Acholi West Districts Bodaboda Forum gulego lumema gi me tic ki but lim ma ginongo ki tic me ngweco bodaboda we culu kwan pa lutino gi.

Dul me Acholi West Districts Bodaboda Forum gicako malube ki yer atyer ma otime iceng abicel ma okato kun otoro lumema ma loyo wi dul pa lungwec bodaboda me districk me i Gulu, Amuru, Nwoya, Omoro ki Gulu citi.

Dul man tye dul ma toro lungwec bodaboda i but piny ma ikupoto ceng me ilobo Acholi dak neno gi tye pi jolo kuc, ribbe ki note kacel ki kit me toro kube ikin lungwec bodaboda ilobo Acholi.

David Komakech, matye won kom me dul man, ocayo tutwal lakit tam ki neno pa lwak ma gin tamo ni tic me ngweco bodaboda obedo tic pa lubal ki lukwiya piny keken.

En otito ni wek ki lok neno ma pol lwak cayo kwede tic pa lungwec bodaboda calo tic ma konye peke, omyero lumema me dul man ocak cwalo tic me culu kwan pa lutino gi macalo gin ma pire tek tutwal.

Komakech ma bene tye lacancila 5 ma cung pi lwak me sab canti me Palaro i Gulu districk otito ni macocoki gin gi bi yaro yub me deno lim pi culu kwan wek okony kor lumeme gi ki culu kwan pa lutino gi kun ki deno lim man dak ki dwoko ki magoba manok.

Francis Rubangakene, ma loyo lok me lubu cik kacel ki miyo pwod i dul man, ocwako tam man kun tito ni tic atiya mite me neno ni gicuku cwing luwot gi dak giloko tam pa luwot gi ilok kom maro keto cente.

Godfrey Ojok, lamema me dul man otito ni luwot gi onwongo kono pe gibedo ki par matek tutwal ikit me culu kwan pa lutino pien kadi bed ni gin gitiyo lim nino ki nino, ento peko tye ni ngec gi nok ikit me kano lim dak pwony me gwoko lim mite tutwal.

About kigezinews

Check Also

LADIT LOBO MUSEVENI OYUBU KEIHANGARA SSS I KIN GANGI PWONYE 117 ME SEED CUKUL MA KI GEDO MANYEN

Ladit lobo Yoweri Kaguta Museveni otany koyubu gang Kwan acel I kin gangip wonye 117 …

Leave a Reply

Your email address will not be published.

Live Updates COVID-19 CASES